Dýrin

Fékk skyndilega löngun til að smella inn nokkrun myndum af dýrunum mínum.

Fik pludeslig idea om at smide ind nogle billeder af mine dyr. Og at begynde at blog på dansk igen.

Hanibal med sin flok

Hanibal prøver at sende sine hustrur i seng.

Og Hanibal syns han er den floteste og den alle smukkeste.

Søstrener Misa og Kisa er flutted samen med sine killinge.

De søde killinger. Vi har 4 tilage som mangler et hjem....

Þá er löngum minni fullnægt. Góða nótt og sofið rótt.

Så har jeg gjørt det. God nat og sov godt.

Lilli eymingi

Í dag er ég lilli eymigi. Reyndar búin að vera það í nokkra daga. Ekki samt reglulegur eymingi, bara svona hálfgerður.
Rolaðist hér um á laugardaginn og hafði það bara ekki svo sérlega gott. Var kalt og með hausverk og túrverk og nennti ekki að þrífa. Og bara allt ómögulegt. Þá hringdi Maja og bauð okkur yfir til sín um kvöldið í öl og kjaftagang. Ég var alveg viss um að mér mundi skána ef við munum drífa okkur.
Dana og Hanne komu hingað til að sitja hjá strákunum og eftir panodil og kvöldmat, skutlaði Dana okkur til þeirra.
Og mér skánaði virkilega. Eftir nokkra bjóra, söng og læti, leið mér bara þokkalega.
Dana sótti okkur svo fljótlega eftir miðnætti og þegar heim kom leið mér skyndilega bara ekkert þokkalega meira.
Gærdagurinn fór svo í að reyna að fá það betra. Það var gert með ýmsu móti. T.d með því að reyna að sofa lengi. Svo að taka hausverkjartöflu. Svo að fara í bíltúr með skvísurnar heim til sín. En allt kom fyrir ekki. Um tvöleitið fengum við svo gesti. Það var íslenskt par sem er búið að velja sér eina kisu hjá okkur. Þau komu við til að líta á gullklumpinn sinn og sátu hérna og fengu sér kaffi sopa í blíðunni.
Það er annars pínu merkilegt hvað maður er öðruvísi þegar koma íslendingar í heimsókn. Maður getur talað um allt milli himins og jarðar og finnst maður þekkja fólk pínulítið þó að maður sé að sjá það í fyrsta eða annað sinn.
Allavega fær kisan okkar ábyggilega voða gott heimili hjá þessum íslendingum úr Garðinum.
Þegar þau voru farin ákvað ég að hætta nú þessum aumingjaskap og drattast í vinnuföt og fara að gera eitthvað af viti. Eiki var búinn að eyða deginum í matjurtargarðinum og ég fór í að búa til beð fyrir baunirnar okkar og gróf upp risastóra trjárót. Fann í þessum uppgreftri mínum margar salamöndrur og þar sem þær sjást ansi illa ofna í moldinni, hjó ég hala og afturfót af einni, og haus af annarri. Tvær sluppu svo til ómeiddar og ég var á tímabili að hugsa um að hætta bara við þennan trjárótarhnullung svo ég mundi nú ekki limlesta fleiri salamöndrur.
En nú er rótarhaugurinn farinn og búið að slétta úr moldinni og beðið tilbúið fyrir baunirnar.
Matjurtargarðurinn er orðinn stútfullur af kartöflum, gulrótum, rófum og káli og ýmsu öðru. Verður spennandi að fylgjast með hvort að komi eitthvað upp af þessu. Mikið af fræjunum nefnilega útrunnið, en það er aldrei að vita.
Ég er hinsvegar lítið skárri og er farin að hnerra og hósta óhugarlega mikið í þokkabót.
Á eiginlega bara hrikalega bágt.
Over and out. Hilen, Hulla pulla.

Og þá kom að því.

Þá er ég búin á síðustu næturvaktinni, alla vega í bili og þar sem sólin er alveg að fara að breiða úr sér í garðinum mínum er ég ekki að nenna í rúmið alveg strax.

Hér er ýmislegt búið að gerast frá því ég ætlaði að blogga síðast og ég er að hugsa um að blogga sýnishorn núna.

Fermingin hjá Atla Hauk tókst með eindæmum vel. Þó ég færi ekki að undirbúa hana fyrr en daginn áður. Þóra kom og var guðómalega hjálpsöm.
Á laugardeginum, meðan Eiki fór að ná í vökva veitingar til Þýskalands og Tengdamamma og Linda fóru að versla fórum við Þóra heldur betur í gang.
Við náðum að útbúa allt meðlæti og vorum næstum búnar með allan bakstur áður en fólkið kom heim.
Hérna voru 8 næturgestir sem allir þvældust hver fyrir öðrum, allir að reyna að myndast við að hjálpa til .  Ég setti Mónu og Lenu í að þvo skeljar og þegar Linda kom heimum rétt fyrir miðnætti (var í matarboði) dobblaði ég hana til að setja marsípan á fermingartertuna sem ég hafði ætlað að panta en gleymt því.
Tengdamamma fékk það verkefni að búa til salatið í brauðtertuna ásamt Þóru og svo fékk hún þann heiður að stytta fermingarfötin svo Atli liti vel út. Já hún er sko betri en engin hún tengdamamma mín .
Athöfnin í kirkjunni tók aðeins einn og hálfan tíma, þrátt fyrir að fermingarbörnin væru bara 12 og engin gekk til altaris. Heldur ekki fermingarbörnin.
Séra Kingó byrjaði athöfnina á að bjóða öllum þeim sem voru með vælandi smábörn að taka sér göngutúr í góða veðrinu til að ekki yrði truflun í kirkjunni g það fannst mér ansi gott. Fólk er yfirleitt svakalega hneykslað á honum, en ég er honum innilega sammála.
Hann hafði líka látið fermingarbörnin fá setningar úr trúarjátningunni sem þau áttu svo að mála á 
striga.
Það tók óratíma að kynna þessi verk, en engu að síður finnst mér þetta gott framtak hjá honum.
Krakkarnir þurftu að pæla í hverri setningu mjög djúpt til að koma henni frá sér á striga og ég er vissum að hann Atli Haukur skilji trúarjátninguna miklu betur en ég.
Að loknum myndartökum og þessháttar komumst við loksins heim og þá tók eldamennskan við.
Matseðill Fjöruborðsins var í boði með öllu tilheyrandi.
Atli Haukur stóð sig eins og hetja og bauð alla velkomna og eftir súpuna stóð hann upp til að segja fólki að smá bið væri í matinn og öllum væri því frjálst að hreyfa sig um í góða veðrinu, eitthvað mismælti hann sig og niðurstaðan var sú að hann bað fólk vinsamlegast að fara... Það var leiðrétt eftir mikinn hlátur.
Humarsúpa með heimabökuðu brauði var í forrétt og humar með öllu tilheyrandi í aðalrétt.
Að öllu áti loknu tók Atli Haukur upp alla pakkana og las á öll kortin því svoðeilis gerir maður í útlöndum.
Svo var hámað í sig kökur. Linda og Móna voru með söng til hans, sem allir sungu og á meðan gekk hann um og fólk klístraði á hann límmiðum. Voða gaman.
Fyrir rest var Eiki kominn með gítarinn og Atli Haukur búinn að lauma sér úr fermingarfötunum og kominn í gallabuxur og stuttermabol sem á stendur "fock me, I´m famous." Ekki beint guðdómlegt.
Stráksi fékk fullt af gjöfum og ca 8000 dk, sem er eiginlega ótrúlegt, því að ekki fékk hann svo mikið sem kort frá föðurfólkinu sínu og mín megin fékk hann peningagjafir frá mömmu minni og pabba mínum og Rögnu. Rest kom frá fólkinu hans Eika. Segi það en og aftur, hann fékk frábæra "fóstur"fjölskyldu fyrir 12 árum.
Mest undrandi var hann á peningagjöf sem hann fékk frá ömmu Láru. Hann sagði mér að þetta væri langstærsta gjöfin því amma kom líka  og hann gerir sér vel grein fyrir að það kostar sitt.
Ég er farin að röfla og nenni ekki meiru.
Sem sagt, í alla staði frábær dagur og ég er hrikalega fegin að sé 2 ár í næstu fermingu.

---------------------------------------------------------------------------

Eiki fór í studitur= bjórdrykkjuferð, til Tékklands á fimmtudaginn síðasta og kom aftur heim á mánudaginn.
Hann mátti sitja í rútu í 14 tíma hvora leið bara til að skoða sóðalegustu bjórverksmiðjur heims. Er búin að sjá myndir og þetta er ekkert grín.
Á meðan stækkaði ég veröndina okkar um tæpa 20 fermetra, eiginmanni mínum til ómældrar gleði.
Ég ætti að vera búin að ná því núna að hann er ósköp lítið fyrir að láta koma sér á óvart.
Larsinn minn kom og hjálpaði mér að grafa upp fyrir veröndinni og Þóra kom svo á föstudeginum og hjálpaði mér að fylla grunninn af sandi. Það fer gríðarlegt magn af sandi í svona lagað.
Ég fékk gefins hellur fyrir 2 árum síðan og svo áttum við sexkanta hellur sem hann Addi minn tók upp fyrir mig síðasta sumar. Alls voru þetta ca 20 fermetrar og var ég búin að teikna upp dýrindis verönd.
Það var Lars sem áttaði sig á að sexköntuðu hellurnar voru í tveimur stærðum og við tók púsluspil dauðans. En þetta hafðist allt og ég er skýjum ofar af gleði. Eiki er ekki en búinn að átta sig á þessari guðsgjöf, en þegar Stína og Bjarni koma hingað næst er ég viss um að hann tekur gleði sína á ný...

Nú er sólin kominn á þessa fallegu verönd svo ég er að hugsa um að skutla mér út í hálftíma áður en ég drattast inn í rúm.

Yfir og út. Hulla Pulla.

Ekkert blogg...

Vegna ótrúlegra anna hef ég ekkert haft tíma til að blogga, en birti hérna mynd af afmælismola gærdagsins.

Elsku pabbi minn, til hamingju með daginn í gær 

Haugur dauðans!

Nennið í mér er ekki búið að vera stórt undanfarið. Bloggfærslan um ferminguna verður að bíða... alavega þar til á morgunn.

Langar bara að óska bestu vinkonu minni (þessari sem aldrei bregst) til hamingju með daginn.

Litla dúllan fyrir alltof mörgum árum.

Með stóru systur sinni sem var ekki sátt við að krúttmolinn fengi ekki nafnið "Kata kanína.

 

 

 

 

Hérna var henni gefið nafn, og hefur hún verið hvers manns hugljúfi síðan þá. 

 

 

 

Með mömmu sinni og stóru systur á fyrstu jólunum. Feitt og pattaraleg

 

 

 


Pabba stelpan á jólunum.

 

 

 

 

 

 

Með yngri systkinum sínum í bíltúr með pabbanum í Eyjafirði fyrir, guð má vita, hversu mörgum árum.

 

 

 

 

Nú er sólin farin að skína. Þessi sem er búin að vera bak við þokumistur í allan morgunn til að gefa mér tækifæri á að ryksuga, sem ég annars nenni ekki þegar er sól og blíða. En ég klúðraði því.

Takk fyrir allar kveðjurnar og knús á ykkur öll.  Hulla pulla.

Myndir núna, blogg seinna :D T.d á morgunn.

Atli Haukur rétt fyrir athöfn.

Langflottastur

Amma Lára með Snáðann ný fermdann.

Kjána fjölskyldan

Veisluborðið

borð skreytinigarnar

Borðskortin

Veislumaturinn

Og allt klárt til átu...

Kertaskreytingin

Kökuborðið

Þetta er aðeins búið að taka 3 korter, svo nú nenni ég ekki meira.
Þúsund þakkir fyrir allar kveðjurnar, og hér eru en 6 kettlingar sem vantar heimili.

Góða nótt.  Hulla Þreytta.

Allt að verða klárt...

Nú er upprisið, risa tjald í garðinum okkar. Eiki og strákarnir reistu það up meðan ég svaf eftir næturvakt í dag...
Ég er búin að redda borðum og stólum og á bara eftir að redda diskum og þess háttar...
Sæki humarinn á morgunn, sem ég fékk fyrir 1200 dk 10 kg. Vel sloppið þar hugsa ég.
Svo er bara að baka og kaupa dúka og kerti og þannig.
Við fórum reyndar í gær og kauptum (keyptum) föt á Atla Hauk og Júlla í HM í Åbenrå. Þar var         By nigth og allar búðir opnar til 22. Samt svo troðið af fólki að ég var að truflast. Gat ekki einu sinni bjargað mér á einum bjór þar sem ég var að fara að vinna. Var manna fegnust þegar ég var örugg í bílnum mínum stuttu seinna.
Atli Haukur ætlar (ef tími leyfir) að vera með strandar þema í veislunni. Hann stakk reyndar upp á bóndaþema og vildi endilega fá lánaða heybagga hjá Lars og eitt stykki belju, en óþverrin hún mamma hans sagði blátt NEI við því. Við komum okkur því saman um að hafa strandar þema. Kannski meira mín hugmynd, þægilegt og ekkert of mikið að hugsa. Svo er líka Fjöruborðsþema í þess öllu saman, svo skeljar og kuðungar fara vel með.

Tengdamamma mín kemur á morgunn... og Linda og Soffa. Ég er að deyja úr tilhlökkun. Ekki séð hana Láru (tengdó) síðan í nóvember og það er ógó langur tími. Svo er bara að bíða eftir að pabbi láti sjá sig, og mamma og Bogga systir og Jóa sistir. Sakna þeirra svo

Ég og Eiki erum búin að hanga yfir youtube í allt kvöld og ég læt hér fylgja með eitt dásamlegt myndband... Hvap finnst ykkur?