Ok

Ætlaði að blogga, en geri það bara seinna :)

??? Vor.

Hugsa að vorið komi fyrst í haust!!!

Fokk

Í gærkvöldi horfði ég bæði á Veðramót og Syndir feðrana.
Ég er búin að eiga þessar myndir í 2 mánuði en aldrei fundist rétti tíminn til að sjá þær.
veðramót er nokkuð góð og pínulítið lýsandi finnst mér... Lygar eru svo viðbjóðslega stór þáttur í okkar lífi og svo auðvelt að eyðileggja líf annarra með lygum, sögusögnum og hótunum.

Svo horfðum við á Syndir feðrana. Hún var erfið... Svakalega erfið.
Ég er eiginlega í molum eftir þessa mynd.
Menn sem fara af stað með svona hugsjónir, eins og að byggja drengjaheimili, hljóta að hafa stóra drauma og kannski að sumu leiti óþroskaða og barnalega en samt sem áður fallega.
Það hlýtur að vera góð tilfinning að fynnast maður vera búin að finna lausn á vandræðamálum æskunnar og vera svo viss í sinni sök að maður fer út í stórar og miklar framkvæmdir.
Ég ætla mér ekki að trúa eitt augnablik að tilgangurinn hafi verið eitthvað annað en góður.
Hugsið ykkur síðan, mörgum árum seinna að átta sig á að viðbjóðurinn og ógeðið sem áttu sér stað í þessu himnaríki áttu sér engin takmörk.
Litlum börnum misþyrmt bæði andlega og líkamlega og sálin í þeim stórskemmd á augnabliki.

Ef svo fer að þessum þjáðu mönnum verði ekki borgaðar þær bætur sem þeir fara fram á, ætla ég að segja mig úr mannlegu samfélagi.

Eigið góðar stundir.


mbl.is Breiðavíkurmálið í brennidepli
Tilkynna um óviðeigandi tengingu við frétt

Hvaðan fá fréttamennirnir á mbl.is upplýsingar sínar???

Þætti spennandi að vita meira um ferðir Evu í Noregi...
Er hún t.d farin að vinna þarna í Norge, talar hún bara svífandi norsk hele dagen eða var fréttamaðurinn sem aflaði sér þessara upplýsinga kannski bara ekki að vinna vinnuna sína???

Veit ekki betur en konan sitji hérna prjónandi í sófanum beint á móti mér og það er hún búin að gera næstum síðan hún yfirgaf föðurlandið...

Vona að Sturlu gangi vel í Noregi.


mbl.is Sturla heldur til Noregs
Tilkynna um óviðeigandi tengingu við frétt

Það hlaaut að koma að því :)

Jabb það hlaut að enda með því að ég yrði rík!
Ég á eina svona, bara fallegri en þessi á myndinni Smile  og hún er nú til sölu. Ég veiti meiri að segja afslátt... Vill aðeins fá 6.2 millur fyrir hana. Og já ég sendi heim!
Verið nú ekki feimin að slást um þessa elsku LoL
Held grínlaust að hún sé stútfull af þessu rauða.
mbl.is Rautt kvikasilfur í saumavélum?
Tilkynna um óviðeigandi tengingu við frétt

Hlakka svo til :)

Á morgunn er uppáhalds dagurinn  minn á þessu ári, hingað til Smile 
Stóra litla systir mín er að koma í heimsókn til okkar og ætlar að vera hjá okkur í að minnsta kosti 2 vikur.
Gleði mín er ómælanleg og þið trúið því ekki hvað Eika hlakkar til að losna frá eldamennskunni FootinMouth
Systir mín er nefnilega ógeðslega góður kokkur og ein af þeim sem getur eldað stórkostlega máltíð úr engu, svo við sjáum fram á sparnað í þokkabót Wink 
Á meðan hún eldar ætla ég bara að vera skemmtileg (því það er mín sérgrein) svo henni leiðist ekki á meðan hún stendur við eldavélina.
Ég er svo heppin að fyrri vikuna er ég bara á kúrsus og er komin heim um 3 og svo fæ ég frí helgi og seinni vikuna er ég bara að vinna 2 daga svo það verður nóg að gera við að kjafta og spá í bolla og tarot...
Ég var búin að vera að monta mig á að hér væri komið vor og heillaði hana til dæmis smá upp úr skónum, daginn eftir fór að snjóa hjá okkur og svo er búið að hagla hérna daginn út og inn.
Nú held ég hins vegar að það sé að rætast úr þessu veðri.
Allavega er spáin fyrir næstu 5 dagana ekkert nema fín. 9° og upp í 14° í næstu viku.
Hugsa að ég kaupi bugles og bjór svo við getum setið úti í blíðunni.

Hafið það áfram gott krúttin mín :)


Velkomin aftur... Já takk :)

Skelfilega líður tíminn eitthvað hratt þessa dagana, mánuður tæpu síðan ég bloggaði síðast sem sannar það bara að ég er ekkert háð blogginu.

Gleði mín er svo einskær þessa dagana að það er engu lagi líkt.
Ástæðan er sú að ég finn að vorið er að koma. Trén okkar eru alsettir litlum knúbbum sem eiga eftir að breytast í fallega græn lauf og garðurinn er alsettur litlum gulum og hvítum blómum. Reyndar líka laufi sem ég nennti ekki að raka saman síðasta haust, en í dag tel ég okkur trú um að þau verndi gróðurinn fyrir óþarfa kulda og trekk.

Vorverkin í sveitinni eru í hámarki og í þessum skrifuðu orðum er ég að sjóða okkar eigið sýróp!
Eiki er búinn að vera svo duglegur að tappa safa af birkitrjánum okkar og svo er safinn soðinn dadada... sýróp.

Morguninn í morgunn var því eitthvað á þessa leið.
Vaknaði klukkan 7 eftir alltof lítinn nætursvefn.
Vakti pjakkana mína og smurði nesti. Heimabakað rúgbrauð á íslenska vísu Smile
Eftir að hafa keyrt Atla Hauk og Jóhann í skólann (Júlla datt í hug að æla svo hann fékk leyfi til að vera heima) kveikti ég upp. Er orðin nokkuð flink í því sko.
Fóðraði kindurnar, hænurnar og kanínurnar. Gekk svo um hallargarðinn okkar (sem Lars á reyndar) og safnaði safa frá birkitrjánum. Fengum 5 lítra eftir nóttina.
Fór svo upp og gaf marsvínunum og spjallaði við þau heillengi. Fengum tvær sveipóttar marsvínur (kvk) í gær og þær eru smátt og smátt að aðlagast. Fæ svo eina æðislega á næstu dögum. Hún er gljáandi svört með sítt hár og hvítan brúsk upp úr hausnum.
Svo nú hefst ræktunin Smile

Prjónaskapurinn er líka í hámarki og hér verða til hrikalega flott vesti og peysur þó ég segi sjálf frá.
Allt sem ég prjóna umfram er svo til sölu svo þið vitið það Smile
 
Annars er allt við það sama hérna.
Frúin á heimilinu er en reyklaus og hefur nú náð 99 dögum!!!
Finn samt ekki þennan stórkostlega mun sem allir töluðu um.
Mér var sagt að loksins færi ég að finna betri lykt og meiri bragð. Það er bara kjaftæði enda finn ég fullt af bragði og hef aldrei orðið vör við að bragð eða lyktarskyn mitt feilaði eitthvað.
Ég finn reyndar viðbjóðslega lykt af reykingar fólki og lít ekki á það sem einhvern plús.
Fyrir utan það þá er ég guðs lifandi fegin að vera laus við tóbakið, sakna þess öðru hvoru, eins og maður saknar stundum fólks sem maður veit að hefur ekki góð áhrif á mann.
Annars er ég nokkuð viss um að ég væri fallin ef ég hefði ekki fundið upp á því snilldar ráði að fara að prjóna. Gleymi stund og stað og tóbaki þegar ég prjóna og þetta er sennilega í fyrsta sinn í fjölda mörg ár sem ég á mér alvöru hobbý. Nú tel ég Eika að sjálfsögðu ekki með Wink
Ég er ótrúlega stolt af mér og þyrfti nú bara að fara að byggja upp þol. Er við að æla af þreytu ef ég svo mikið sem hleyp út með ruslið Errm

Nohh. Þar sem þetta er eini frídagurinn minn í ansi langan tíma, ætla ég að fá mér heitt kaffi og prjóna smá.
Fæ svo Guðrúnu í prjónakaffi á efir og ætla að gera sem minnst þangað til.

Vona að dagurinn verði góður við ykkur.
Knús og kossar frá Hullu Pullu.


1 árs og í bloggdvala

Á sunnudaginn síðasta var ég búin að blogga hérna í 1 ár!!!
Ætlaði að halda þvílíka veislu, en gleymdi öllu saman. Hehehe

Er í bloggdvala þessa dagana.

Næstum ekkert búin að fitna, þó ég éti viðstöðulaust allan andskotans daginn.
Búin að vera reyklaus í 76 daga og líður ekkert illa.
Hefur ekkert langað í rettu þannig lagað.
Hef hinsvegar nokkrum sinnum lent í þannig aðstöðu að langa til að langa í rettu til að geta byrjað aftur... En langaði bara ekki baun. Skiljið.
Ég er sem sagt hrikalega dugleg og er að vonast til að æðri máttum finnist það líka og séu svo stoltir af mér að þeir hlífi mér að eilífu við lungnakrabba (og öllum öðrum kröbbum líka).
Er að hugsa um að harka af mér aumingjaskapinn og hunskast í myndatökuna í næsta mánuði til að geta hætt að hugsa um hverjar niðurstöðurnar verði.

Ég er búin að vera andstyggilega löt við að kommentera hjá ykkur en fylgist samt með öðru með ykkur.

Knús og hagið ykkur vel. Heart


Vetrarfrí

Já ég og strákarnir mínir erum í vetrarfríi út þessa viku. Dásamlegt. Svo er ég ein í fríi í næstu viku. Það er ekki eins dásamlegt!!!
Þar sem ég átti inni nokkra daga í fríi sótti ég um tvær samliggjandi vikur.
Upprunalega vegna þess að mig langaði svo heim til Íslands með ungana mína, og þar sem bæði Atli Haukur og Júlíus eru að fara í praktik í viku 8 (seinni vikan sem sagt) sá ég fyrir mér að það væri nú kannski hægt að koma þeim að heima.
En það er langt síðan þessar pælingar voru í gangi, og löngu fyrir jól sótti ég um þessar tvær vikur.
Svo fór allt í vitleysu þarna heim og kreppu tímar í hámarki og við ekkert ríkari en fyrri daginn svo þessar pælingar um Íslandsreisu löngu dottnar upp fyrir.
Þess í stað sá ég fyrir mér frí með strákunum mínum hérna heima. Gætum dundað okkur í garðinum, spilað, farið í gönguferðir og eitthvað svona notalegt. Hina vikuna ætlaði ég svo að nota bara fyrir mig Smile Vakna þegar ég væri búin að sofa nóg. Lesa. Prjóna. Hekla ( var að læra það nebblega) Halda heimilinu svaka hreinu og elda góða kvöldmata handa Eika mínum. Fá mér rauðvínsglas á kvöldin og sitja við kertaljós og njóta þess.
Hlakkaði bara hreinlega svakalega til.
En nei nei. Haldi þið ekki að Atli Haukur hafi fengið pratik í bakaríi í Sönderborg, sem þýðir að ég  verð að vakna á hverjum morgni í fríinu mínu kl 4!!! til að koma honum þangað kl 5.
Eiki verður að vakna líka því hann þarf að vera kominn til Nyböl kl 5:30 til að fá far í vinnuna.
Ég get svo brennt heim til að koma strákunum á fætur og smyrja nesti og allt það og þarf svo að koma þeim á sína staði. Þegar allir eru komnir á sinn stað er kl orðin 8 og þá fer maður ekkert að sofa aftur.
Þegar ég komst að því að fríið mitt yrði bara keyrsla hafði ég sambandi við vinnuna og bauðst til að taka fríið út seinna ef þau þyrftu á mér að halda, en nei, búið að redda öllu.
Þannig að mér hlakkar ótrúlega til að halda frí... eða þannig.

Jæja ætla að koma mér í eitthvað.... Svo er stefnan tekin á að lesa blogg í dag, og jafnvel kvitta Kissing


Saga frá mömmu :)

Svolítil saga af sjálfri þér.  
Þú varst alveg pínulítil þegar þetta gerðist, sennilega ekki einu sinni farin að ganga. 
Við pabbi þinn vorum nýflutt í Álfaskeið 86 í Hafnarfirði.  Þú fékkst óstöðvandi áhuga á innstungunum í íbúðinni, reyndir að pota öllum fjáranum inn í þær, pennum og öllu sem þú náðir í. Ég var stöðugt á hlaupum á eftir þér til að passa að þú færir þér ekki að voða.  Pabbi þinn var búin að líma yfir nokkrar innstungur sem voru það neðarlega að þú náðir til þeirra, þú plokkaðir límbandið nú bara af og hlóst.  Þá setti pabbi þinn dósir sem þú náðir ekki í yfir innstungurnar.  Þú lést vanþóknun þína í ljós með reiðilegum stunum og svip. 
Það var nú samt sem áður svo að einhverjar innstungur urðu að vera aðgengilegar fyrir lampa og aðra hluti.  Þá var mér bent á að ég gæti fengið öryggishettur yfir þær og fór óðar og keypti nokkrar. 
Sú fyrsta var sett upp í herberginu þínu og Jóu.  Jóa átti lampa sem var eins og lítið lamb og henni þótti afskaplega vænt um.  Þú sóttir mikið í lampann og fannst gaman að setja hann í samband, það fannst mér ekki og var fljót að setja öryggishettuna á.  Þennan dag var vinkona mín stödd hjá mér og sá þegar ég sigri hrósandi setti hettuna á. 
Það voru agnarsmáar holur inn í hettuna sem varla sáust, og með því að stinga lampaklónni í hægt að draga hana út.  Þú horfðir dálitla stund á fyrirbærið, síðan á innstunguna og stakkst henni inn í hettufjandann, dróst hann út og skellihlóst þessum sérstaka Hulluhlátri sem strax gerði þig svo sérstaka. 
Vinkona mín sá aðfarirnar og sagði ; hún er óvitlaus þessi og spái ég því að hún muni jafnan fara sínu fram í lífinu, þessi kona hét Inga Matthísen, hún er nú látin fyrir mörgum árum, langt fyrir aldur fram og var mamma hennar Kötu sem þú mannst áreiðanlega eftir.  Eitt er víst að spádómurinn gekk eftir.  Þú ert einstök perla Hulla mín litla, en oft hef ég viljað að þú hefðir líkst honum pabba þínum meir, hann er mun aðsjálli og gætnari maður en ég. 
Kærar kveðjur frá Lása þín og þinna þín mamma.

Takk fyrir þetta mamma mín Heart


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband